Êfiopiya armiyäse tınıç xalıqnı üterde
Alarnıñ toraq punktlarda kemgä atuın qarap tormıyça bombalawların äytälär
Keşe xoquqların küzätü oyışması Êfiopiya armiyäseneñ fetnäçelärgä qarşı başlağan operaśiyädä Tigray töbägendä 83 grajdanlını üterüen belderde.
Oyışmanıñ Afrika mödire Laetitia Bader citkergänçä, xärbilär 2020nçe yılnıñ noyabrendä başlağan xäräkät waqıtında bik küp mäktäp, yort häm xastaxanäne cimergän. Bäreleşlärdä balalar da şaqtıy ülgän.
Bader Êfiopiya armiyäseneñ toraq punktlarda kemgä atuın qarap tormıyça bombalawın äytä. “Höcümnär Tigraydağı tınıç xalıqnıñ tormışın cimerde häm küçenülärenä säbäpçe buldı,”-di ul.
Keşe xoquqların küzätü oyışması mäğ’lümatlarına qarağanda, Tigrayda 200 meñnän artıq keşe yäşägän cirlären taşlap kitärgä mäcbür bulğan. Alar bäreleşlärdän qaçıp kürşe Sudanğa sıyına.
Bader Êfiopiya xökümätenä çaqıru yasadı häm BMO küzätüçelärena Tigrayda tikşerenü uzdırırğa röxsät birülären soradı.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı
