Ukraina Rusiyä tarafınnan finanslanuçı telekanallarnı yaptı
9 kanal 5 yıl buyına êşçänlegen tuqtatıp toraçaq
Ukraina ildäge 9 telekanalnıñ êşçänlegen tuqtatu qararı çığardı. Säbäp – alarnıñ Rusiyä tarafınnan finanslanuı.
Ukraina däwlät başlığı idaräsennän yasalğan belderüdä Milli qurqınıçsızlıq häm saqlanu komitetınıñ Ukraina parlamentı äğ’zası Taras Kozak häm anıñ telekanallarına sankśiyä kertü qararın raslawı citkerelde. Älege 9 kanal 5 yıl êşçänlegen tuqtatıp toraçaq.
Ukraina däwlät başlığı Vladimir Zelenskiy sośial’ mediada älege mäs’älä belän bäyle yazma urtaqlaştı. Ul ildäge matbuğat iregen yaqlawın, ämma Ukrainağa höcüm itüçe däwlät finanslıy torğan propagandanı yaqlamayaçağın äytte.
Zelenskiynıñ matbuğat süzçese Yulya Mendel’ dä kanallarğa aqçanı Rusiyäneñ birüe açıqlanuın häm alarnıñ Ukrainağa qarşı suğışta çara bularaq qullanıluın belderde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
