AQŞta mäğ'lümati cäncal

Amerika Quşma Ştatlarında soñğı yıllarnıñ iñ naçar mäğ’lümati cäncalı buldı. Xakerlar Vaşingtonda mäş’ğul’lek iminlege departamentına höcüm itte. Alar oyışmanıñ mäğ’lümatları saqlanuçı “Accellion” şirkäte bazasına kerä. Näticädä 1 million 600 meñ êşsezneñ häm däwlät xezmätkärläreneñ şäxsi mäğ’lümatları urlandı.

Xakerlarnıñ uzğan yıl êşsezlek turında ğariza yazğan keşelärneñ mäğ’lümatların saylap aluı iğ’tibarnı cälep itä. Yözlägän meñ vaşingtonlınıñ tulı isem-familiyäse, tuğan köne, adresı, aldağı êş urını şikelle centekle şäxsi mäğ’lümatı xäzer internet piratlarınıñ qulında.

AQŞ bu mäğ’lümatlarnıñ naçar maqsatlarda qullanıluına qarşı çaralar kürä başladı.