M'yanmada yaña kabinet cıyıldı

M’yanmada 1nçe fevral’däge xärbi tüntäreleştän soñ oyıştırılğan yaña ministrlar kabinetı berençe utırışına cıyıldı. Anda däwlät başlığı Xlaing ber yıl däwam itäçäk ğadättän tış xäl qısalarında xäräkät itü planın kön üzägenä quya. Kabinet cıyılışında ilneñ êçke säyäsäten häm turizmnı däwam itterü, tabınu urınnarı häm ğıybadätxanälärne qabat açu, Kovid-19 çaraları nigezendä iq’tisadi êşçänlekne alıp baru, iq’tisadqa can örü häm êş urınnarın arttıru turında söyläşälär.

Milli demokratik partiyä idaräse tüntäreleştän soñ qulğa alınğan liderları, elekkege däwlät kiñäşçese Aun San Su Çjinıñ totılğan urında sawlıq-sälamätlege yaxşı buluın belderde. Ämma anıñ qayda totıluı turında wäqalätlelärdän mäğ’lümat birelmi.  

M’yanmada uzğan yılnıñ 8nçe noyabrendä uzğan saylawlarnıñ ğadel bulmawı turındağı bäxäslär köçäygän ide. Näticädä armiyä 1nçe fevral’dä xärbi tüntäreleş oyıştırdı häm xakimiyätne qulğa töşerde, ilneñ liderları törmägä kerde.  Kiçä isä 24 ministr häm urınbasarları wazıyfadan alındı, alar urınına 11 yaña ministr quyıldı.