Rusiyädä qabat mitinglar uzdı
Anda kimendä 1643 keşe qulğa alındı
Rusiyädä törmädä utıruçı oppoziśioner Aleksey Naval’nıynı irekkä çığarunı taläp itep qabat rizasızlıq çaraları ütkärelde. Anda, räsmi bulmağan sannarğa qarağanda, kimendä 1643 keşe saq astına alındı. Rusiyä keşe xoquqları oyışmaları beldergänçä, Mäskäwdä 338 keşene alıp kitkännär. Aralarında oppoziśionernıñ xatını Yuliya Naval’naya da bar.
Röxsätsez mitinglar ilneñ bik küp şähärendä oyıştırıldı. Poliśiyäneñ nıqlı kisätü çaralarına qaramastan, anda meñnärçä keşe qatnaşa. Kübese liśey häm universitet studentları.
Aleksey Naval’nıy utıra torğan “Matrosskaya tişina” törmäse tiräsendä dä ber törkem keşe cıyıla. Alar xökümätkä qarşı şiğar’lär qıçqıra.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy