Madridta şartlaw

İspaniyäneñ başqalası Madridta şähär üzägendäge ber binada bulğan şartlawda, berençel mäğ’lümatlar buyınça, 2 keşe ülde. Waqıyğa cirle waqıt belän köndezge säğat’ 15.00 tiräsendä (Törkiyä säğate belän 17.00) bula. Puêrto de Toledo mäxälläsendäge ber apartamentta şartlaw kilep çığa.

Sośial’ mediada urın alğan videolarğa qarağanda, şartlaw täêsirendä binağa zur zıyan kilgän. Waqıyğada 2 keşeneñ ğomere özelüe belderelde. Şahitlär bik küp yaralı buluın söyli. Bina qarşında toruçı maşinalarnıñ kübese zarar kürgän. Grajdanlı saqlanu, yanğın sünderü häm aşığıç yärdäm törkemnäre cirlektä iminlek koridorı oyıştırdı.

Bina yanında qartlar yortı, mäktäp häm çirkäw bar.

Cirle matbuğatta şartlawnıñ säbäbeneñ gaz sarquı bula aluı farazlandı.