Zelenskiy diñgezçelär öçen räxmät äytte
Törkiyä 2016nçı yılda Liviyädä urlanğan ukrain diñgezçeläreneñ kire qaytuına yärdäm itte
Ukraina däwlät başlığı Vladimir Zelenskiy 2016nçı yılda Liviyädä urlanğan ukrain diñgezçelärenen tuğan illärenä qaytuına yärdäm itüe öçen Törkiyä ilbaşı Räcäp Tayyip Ärdoğanğa räxmät belderde.
Zelenskiy Twitterda yazğança, 5 yıl Liviyädä bulğan “Kapitan Xayyam” tankerı êkipajı diñgezçeläre illärenä qayttı. Ul Ukrainanıñ watandaşların onıtmawın häm awır xäldä qaldırmayaçağın assızıqladı.
“Törkiyä ilbaşı Räcäp Tayyip Ärdoğanğa watandaşlarıbıznı qaytaruda yärdäme öçen ayırım räxmät citkeräm. Törkiyäneñ teläktäşlegenä räxmätlemen,”-dip yazdı Zelenskiy.
Ukraina ilbaşı idaräse 7nçe ğıynvarda Liviyä diñgez kiñleklärendä 2016nçı yılda totqarlanğan “Kapitan Xayyam” tankerı êkipajındağı 4 Ukraina watandaşınıñ ilgä kire qaytaçağın citkergän ide.
Bäyläneşle xäbärlär
İzrail törmälärendäge jurnalistlar
Fälästin äsirlär cämğıyäte Bötendön’ya matbuğat irege köne uñayınnan yazmaça belderü yasadı
