Vakśina yasatmasañ - êşsez qalaçaqsıñ

Awrupa Berlege däwlätläre vakśina yasatunı irekle qılsa da, aña qarşı kilüçelärne terkäp baraçaq. İspaniyä sälamätlek saqlaw ministrı Sal’vador İlla ber kanalğa reportajında Kovid-19 vakśinası yasatmawçılar xaqındağı mäğ’lümatnıñ barı Awrupa Berlegeneñ räsmi oyışmaları arasında ğına urtaqlaşılaçağın äytte.

“Watandaşlarnıñ koronavirustan vakśina yasatırğa çaqırğanda kilülären sorıybız. Vakśinadan baş tartuçılar terkäläçäk. Bu mäğ’lümatlar Awrupa Berlege illäre arasında urtaqlaşılaçaq. Şäxsi mäğ’lümatlarnı saqlaw nigezendä, alar cämäğat’çelekkä belderelmäyäçäk,”-dip söyläde Sal’vador İlla.

Şul uq waqıtta, İspaniyädä “Kovid-19 vakśina kartası”, Kovid-19 vakśina passportı” yäisä “Kovid-19 êlektron sertifikatı” isemnäre astında vakśina yasatuçılarnıñ mäğ’lümatları cıyılğan baza buldıru turında bäxäslär däwam itä.

Madrid häm Andaluziya avtonom idaräläre tizdän watandaşlarğa koronavirus belän bäyle śifrlı vakśina kartası çığaraçaqların belderde. Alar säyäxät itkändä häm êştä qullanılaçaq.

İspaniyädä qayber şirkätlärneñ Kovid-19 vakśinasınnan baş tartqan xezmätkärlärneñ kileşülären yuqqa çığarırğa cıyınuı alğa sörelä.