2021 - şifa yılı bulsın

BMO ğomum särqatibe Antonio Guterriş yaña yıl yullaması yasadı. Ul anda böten dön’yada härkemneñ tormışın astın-öskä kitergän koronavirus kizüennän soñ 2021neñ ömet kiteräçägenä ışanuın citkerä.

Guterriş pandemiyä belän bergä kilgän yarlılıq, tigezsezlek, açlıq häm dähşätkä qarşı keşelärneñ ber-bersenä qul suzuın bilgeläp uzdı. Ul berdämlek häm teläktäşlek belän ömet utlarınıñ dön’yanıñ här cirenä barıp citäçägen äytä.

“Barıbız bergä tabiğat’ belän kileşep klimat krizisına qarşı köräşik, Kovid-19nı ciñik häm 2021ne şifa yılı itik. Ülemçel bu virustan qotılıp, bozılğan iq’tisad häm cämğıyät’lärne tergezik, bülenülärne beterik häm planetabıznı sawıqtıra başlıyq,”-di üzeneñ yullamasında BMO ğomum särqatibe Antonio Guterriş.