Êfiopiyädä höcüm: 222 üle

Êfiopiyädä qorallı törkemneñ ber awılğa yasağan basqınında ülüçelär sanı 222gä citte. Waqıyğa çärşämbe könne buldı. Qorallanğan keşelär ilneñ könbatışındağı ber awılğa bärep kerep cirle xalıqnı üterä.  Şunnan soñ ul tirälärdä yäşäwçe 40 meñnän artıq keşe öylären taşlap başqa urınnarğa qaça.  

Xökümät töbäktä bäreleşlärneñ artuına fetnäçe Tigray xalıq bäysezlek frontı cawaplı dip sanıy. Êfiopiyä armiyäse höcümçelärdän 42sen täêsirsez xälgä kiterde.

Xökümät räise Abiy Äxmät höcümne küpläp üterü dip atadı.