AQŞnıñ Nêşvill şähärendä şartlaw

AQŞta Tennesi ştatınıñ Nêşvill şähäre üzägendä şartlaw buldı. Bu xaqta qalanıñ ğadättän tış xällär idaräsennän xäbär itälär.

Şähär üzägenä quyılğan karawan törendäge texnika cirle waqıt belän säğat’ 6 tulıp 30 minutta şartlıy. Näticädä yaqın-tirädäge yaqınça 10 bina zarar kürä. Şartlawdan soñ çıqqan yanğınnı kontrol’gä alalar.

Nêşvill poliśiyä departamentı wäkile Don Aaron waqıyğada 3 keşeneñ yaralanuın belderde. Alar xastaxanädä häm tormışlarına qurqınıç yanamıy.

Aq Yorttan belderülärençä, AQŞ ilbaşı Donal’d Tramp şartlaw xaqında mäğ’lümat alğan häm waqıyğanı küzätep bara.

Şartlawnıñ säbäben tikşerü bara.