Kanadadan fälästinlelärgä yärdäm

Kanada Süriyä, Livan häm Yordaniyadağı fälästinle qaçaqlar belän Ğazzä häm Yordannıñ Könbatış üzänlegendä yäşäwçe fälästinlelärgä kiläse 3 yılda 90 million dollarlık aqçalata yärdäm kürsätäçäk.

Kanadanıñ Xalıqara qalqınu ministrı Karina Gould açıqlaw yasap: “Fälästin xalqınıñ ixtıyacların qanäğat’länderü häm humanitar yärdäm kürsätü Yaqın Könçığışta tınıçlıq häm mullık urnaştırunıñ ber öleşeder. Şunıñ öçen Kanada bu xalıq êçendäge iñ fäqıyr’ häm iñ yaqlawsızlarnıñ töp ixtıyacların qanäğat’länderergä qarar birde,” – dide.

Ministr Gould BMOnıñ Yaqın Könçığıştağı Fälästinle qaçaqlar öçen yärdäm häm êşçänlek agentlığı UNRWA aradaşçılığı belän kürsäteläçäk yärdämneñ Yordannıñ Könbatış üzänlege, Ğazzä, Süriyä, Livan häm Yordaniyadağı yaqlawsız fälästinlelärneñ arta baruçı ixtıyacların qanäğat’länderergä bulışaçağın citkerde.