Angliyada möhim kön

Berençe êtapta Pfizer-BioNtec partnyerlığında yasalğan Kovid-19 vakŝinası belän 400 meñ keşeneñ vakŝinaŝiyalänüe maqsat itelä.

Vakŝinaŝiya programmasın zur xastaxanälärdän başlatalar.

Qayber stadion häm sport zalları da monıñ öçen qullanılaçaq. Terapevt häm farmaŝevtlar da programmağa kertelä.

Berençe êtapta Angliyadağı 50 xastaxanägä ireşterelgän vakŝinalar -70 däräcädä saqlana.

Bel’giyadan Angliyağa cibärelgän Pfizer-BioNtec vakŝinaları härwaqıt küzätü astında. 

Vakŝina 21 kön ara belän ike dozağa bülenäçäk.

Qartlar yortındağı 80 yäş’tän ölkännär, qartlar yortında êşläwçelär häm sälamätlek saqlaw xezmätkärlärenä östenlek bireläçäk.

94 yäş’lek Patşabikä Êlizabet II häm 99 yäşendäge tormış iptäşe Prinŝ Filipnıñ da kiläse atnalarda vakŝinaŝiyalänäçäge äytelä.

İngliz xalqınıñ kübese koronavirus belän köräş mäs’äläsendä ingliz xökümäten tänqıyt’li. Ütkärelgän anketağa kürä inglizlärneñ 57%ı xökümätne virusnıñ cäyelüen kontrol’ itüdä citärsez kürä.

İldä koronavirus çikläwlärenä reakŝiyalär dä däwam itä.