Könbatışta koronavirus: xäl könnän-kön naçar...

Dön’yada koronavirus arqasında ğomere özelüçelär sanı 1 million 458 meñnän arttı. Virusnı êläkterüçelär isä 62 million 592 meñnän, sawığuçılar 43 million 203 meñnän kübräk.

AQŞta Kovid-19 säbäple ğomere özelüçelär sanı 272 meñ 250dän, koronavirus diagnozı quyıluçılar sanı 13 million 610 meñnän arttı.

İtaliyädä kizüdä soñğı 24 säğat’tä ğomere özelüçelär sanı 686ğa arttı häm 54 meñ 363 buldı. Yoqtıru oçraqları isä 26 meñ 323kä kübäyde häm 1 million 564 meñnän arttı.

Franśiyädä soñğı köndä 213 keşe koronavirustan ülde. Tulayım ğomere özelüçelär sanı 52 meñ 127 buldı. İldä Kovid-19 diagnozı quyıluçılar – 2 million 208 meñnän kübräk.

Angliyädä koronavirus 58 meñnän artıq keşene tege dön’yağa alıp kitte. 1 million 605 meñnän kübräge virusnı êläkterde. Başqala Londonda kizügä qarşı kertelgän çikläwlärgä protest belderep oyıştırılğan mitingqa poliśiyä qarşılıq kürsätte. Anda kimendä 150 keşe saq astına alındı.