Öçençe dulqın da kiläçäk
Belgeçlär ikençe dulqında citärlek kisätü çaraları kürelmäsä öçençe dulqınnnıñ berniçä aydan kilep citäçägen farazlıy
Kiräkle asqorma oyıştırılmasa, kiläse yıl başında koronavirusnıñ öçençe dulqını bäräçäge turında kisätälär. Bu xaqta Bötendön’ya sälamätlek saqlaw oyışmasınıñ Kovid-19 belän global’ köräş maxsus wäkile Dêvid Nabarro belderde. Ul Awrupa häm Şveyśariyäneñ kizü belän köräşen tänqıyt’ utına tottı.
Nabarro Awrupa illäreneñ virusnıñ taraluın köntrol’dä totuda Aziya däwlätlärennän artta qalyın assızıqladı. Ul Şveyśariyäneñ dä kizü belän köräştä çikläwlärne bik irtä yomşatqan häm ikençe dulqınğa citärle xäzerlänmägän illär arasında buluın äytte.
Nabarro fikerençä, Awrupa berençe dulqınğa reakśiyä kürsätä almadı häm artınnan uq ikençese başlandı. “Berençe dulqın kontrol’gä alınğannan soñ aylar ütügä, cäy köne kiräkle asqorma buldıru uñışsız kilep çıqtı häm xäzer ikençe dulqın bar. Kiräkle asqorma xäzer ük oyıştırılmasa, kiläse yılnıñ başlarında öçençe dulqın kiläçäk,”-dide Nabarro. Ul Aziyä illärendä keşelärneñ, Awrupa belän çağıştırğanda, kizüne kontrol’dä totu öçen kiräkle sośial’ ara, bitlek tağu qağıydälären häm gigiyena çaraların tağın da yaxşıraq ütäwen äytte.
Bötendön’ya sälamätlek saqlaw oyışmasınıñ üzäge dä urnaşqan Jeneva häm kürşe Vaud kantonnarında uzğan atnada dön’yadağı iñ zur massaküläm yoqtıru kürelde.
Bäyläneşle xäbärlär
İndoneziyada cir şuışu häm su basularda ülüçelär kübäyde
Afät Könbatış Sumatra töbägendä yäşäwçelärgä awır xäbärlär kiterep tora