AQŞnı ülem cäzaların tuqtatırğa çaqırdılar
Tramp idaräse yaqınça 20 yıl êlek tuqtatılğan ülem cäzasın bıyıl kire qaytardı
Awrupa Berlege AQŞnı ülem cäzaların ütäwne tuqtatırğa çaqırdı. AB komissiyäse süzçese Peter Stano bu xaqtağı belderüendä Amerikada yaqınça 20 yıl tuqtalıp torğannan soñ iyül’ ayında federal’ däräcädäge qarar belän ülem cäzalarınıñ qabat tormışqa aşırıla başlawı öçen borçıluların citkerä. Ul Awrupa Berlegeneñ moña qarşı buluın äytä. Stano ülem cäzasınıñ ayawsız häm keşeleksez ikänen, xökem itüdäge xatalarnı bu oçraqta tözätep bulmawın assızıqlıy.
“Awrupa Berlege AQŞ idaräsen bu qararınnan kire qaytırğa häm federal’ däräcädäge barlıq ülem cäzaların ütäwne tuqtatırğa çaqıra,”-dide süzçe.
Stano, monnan tış, AQŞnıñ ştatlarında häm dön’ya külämendä ülem cäzaları kimegän waqıtta mondıy qarar çığarıluınıñ mantıyqsız buluın da äytte.
AQŞta iyül’ ayında ülem cäzaların tormışqa aşıru qabat başlanğaç 8 keşe älege cäzağa tartıldı.
