Küktän töşkän millionnar

Öyenä kük ciseme töşkän indoneziyalı ir-at millioner buldı. Tön’yaq Sumatra utrawında yäşäwçe 33 yäş’lek Joşua Xutagalung tabut yasaw belän şöğıl’länä. Öy tübäsenä 2 kilolı meteorit töşkän mizgeldä dä ul baqçasında çirattağı zakazı belän mäşğul’ bula.

Meteorit tübäne tişep görseldäp cirgä kilep qadala. Tabutçı belän xatınına qaynar taşnı totıp qaraw öçen anıñ suınğanın kötärgä turı kilä. Futbol tubınnan zurraq ğaläm cisemeneñ 4 milliard yarım yıllıq buluı farazlana. Ul siräk oçrıy torğan uglerodlı xondrit CM1/2 bularaq sıynıflandırıluçı tördän. Ğalimnär äytüençä, anda unikal’ aminokislotalar häm tormış barlıqqa kilüe öçen kiräkle başqa êlementlar bar.   

Kük ciseme belän AQŞtan kollekśioner Djey Pyatek qızıqsına häm anı 1 million 400 meñ sterlingka satıp ala.

 Joşua Xutagalung isä bu aqçağa awılında ğıybadätxanä saldıra häm êşen taşlap waqıtın 3 balası belän uzdırırğa qarar qıla.