Germaniyädä mäçetlärgä tınğılıq yuq

Germaniyädä Din êşläre törek-islam berlege qul astındağı mäçetlärgä qarata qırın ğamällär qılındı. Berseneñ divarlarına buyaw attılar, ikençesen talarğa mataştılar.

Frankfurt şähäre yanındağı Xöxst toraq punktında Äyüp Soltan mäçete divarlarına sarı, qızıl häm yäşel buyawlı paketlar atqannar. Ğıybadätxanä idaräçe äğ’zası Borxan Xızal waqıyğanıñ irtänge säğat’ 3lärdä buluın belderä. “Monı kemnär êşläwen belmibez. Soñğı waqıtlarda mäçetlärgä qarata höcümnärneñ artuına bez dä, cämäğat’çelek tä, ğailälärebez dä  borçıla,”- di ul. Älege xäl turında poliśiyägä xäbär itkännär.

Tön’yaq Reyn-Vestfaliya töbägendäge Balve bistäsendä Mimar Sinan mäçeten isä talarğa mataştılar. Ğıybadätxanä cämğıyäte räise Özkan Gülär tönge säğat’ 1 tiräsendä birlekle häm qulına fonar’ totqan beräwneñ mäçetneñ işegen häm täräzälären açıp êçkä kerergä mataşuın söyli. Soñınnan ul qurqınıçsızlıq kameraların kürep qaça. Älege waqıyğa xaqında da poliśiyägä xäbär itkännär. Gülär nemeś kürşeläre belän tirä-yün’ne qaraştıruların belderde.