Jan-İv le Drian: "İslamnı xörmät itäbez"
Franśiyä ministrı Misırğa säyäxäte waqıtında şulay dip aqlandı
Franśiyä tışqı êşlär ministrı Jan-İv le Drian ileneñ İslam dinen xörmät itüen belderde. Ul Misırğa räsmi säfär belän kitte häm andağı wazıyfadaşı Samix Şukri belän başqala Kahirädä oçraştı. Şunnan soñ oyıştırılğan matbuğat cıyılışında Le Drian bolay dide: “Parij İslam dinen xörmät itä häm möselmannarnı Franśiyäneñ ber öleşe bularaq kürä. Bez barı radikal’lek häm terrorçılıq belän köräşäbez”.
Le Drian söyläşüdä Liviyä krizisına da qağıluların äytte. Anıñ söyläwençä, Franśiyä häm Misır yallı ğaskärlärneñ Liviyädän çığuın häm BMO kertkän qoral êmbargosınıñ ğamälgä aşuın teli.
Şukri isä Fälästin däwläte tözelüen, ğadel häm külämle tınıçlıqqa nigez salınuın häm ike däwlätle çişeleşneñ ähämiyäten assızıqladı
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
