AQŞnıň yaňa ilbaşı – Bayden
Ul AQŞ ilbaşı bulır öçen kiräkle tawışnı cıydı
Amerika Quşma Ştatlarında 3 nçe noyabr’dӓ ütkӓrelgӓn 59 nçı ilbaşı saylawınıň ciňüçese demokratlar kandidatı Djo Bayden buldı.
Amerikan “Associated Press” agentlığı mӓğ’lümatlarına kürӓ, Bayden köndӓşe hӓm xӓzerge ilbaşı Trampnı Pensil’vaniya ştatında ciňügӓ ireşte.
Ul biredӓ 49,6% tawış cıydı. Pensil’vaniya ştatında ciňgӓnnӓn soň Bayden saylawçı wӓkillӓrneň 284 tawışın aldı hӓm AQŞnıň 46 nçı ilbaşı bulıp saylandı.
Djo Bayden saylawda ciňgӓnnӓn soň Kamala Xarris immigrant xatın - qız viśe - prezident bularaq tarix bitlӓrenӓ kerde.
Xarris şul uq waqıtta Kaliforniya senatorı wazıyfasın da başqara.
Nӓticӓlӓr iğ’lan itelgӓnnӓn soň Djo Bayden “Amerika xalqınıň miňa hӓm viśe -prezident bulıp saylanğan Xarrasqa qarata ışanıçı mine ğorurlandırdı”dide.
Donal’d Tramp isӓ “Xalıq üze layıq bulğan döres tawış sanawğa hӓm talӓp itkӓn demokratiyӓgӓ ireşkӓngӓ qadӓr tuqtamıym” dip belderde.
