AQŞta irtägä saylaw

AQŞta irtägä iñ kritik ilbaşı saylawlarınıñ berse uzaçaq.

Koronavirus kizüe säbäple 80 millionnan artıq keşe tawışların poçta aşa cibärä. Şuña kürä saylaw näticäläre 3nçe noyabr’ tönendä tögäl bilgele bulmayaçaq.

Cömhüriyätçe ilbaşı Donal’d Tramp belän demokrat köndäşe Djo Bayden arasındağı yarış böten köçe belän däwam itä. Anketalarda Bayden Tramptan yaqınça 7 ball alda bara.

Poçta yulı belän tawış birü öçen möräcäğat’ häm saylaw byulleten’nären öygä cibärü êşläre barlıq ştatlarda tögällängän. Poçta belän cibärelgän tawışlarnıñ konvertına suğılğan ştempel’dä soñğı kön 3nçı noyabr’ torırğa tiyeş, annan soñ cibärelgännäre sanalmıy. Poçtadan tawışlarnıñ kilep betüen qaysı köngä qadär kötäçäklär häm alarnı sanaw qayçan başlanaçaq – bu mäs’älädä här ştatnıñ törle kürsätmäse bar.

İldä 93 millionnan artıq keşe tawış birgän inde. Alarnıñ 59 millionnan artığı monı poçta yulı belän başqara, 34 million tiräse irtä saylaw üzäklärenä barıp tawış birä.

Ägär barısı da planlaştırılğan şikelle barsa, AQŞnıñ yaña ilbaşı 20nçı ğıynvarda ant itü tantanası belän wazıyfasına kereşäçäk.