Makronnıñ İslamğa totışı protest itelä

Franŝiya däwlät başlığı Êmmanuêl’ Makronnıñ İslamğa qarşı süzläre häm “Şarl’ Xebdo” jurnalınıñ Möxämmäd päyğambärne mısqıllawçı karikaturalarnı açıqlawı Franŝiyaneñ Londondağı ilçelege yanında kiçä protest itelde.

Rizasızlıq belderüçelär cirle sägät’ belän köndezge 12dä ilçelek binası yanında cıyıla başladı.

“Oyal, Makron”, “Boykot” şiğar’lären äytkän häm täqbir kitergän protestçılar dinne mısqıllawnıñ süz irege qısalarında bäyälänä alınmawın assızıqladı.

Makron şaytan räweşendä urın alğan karikaturalar kütärelgän çarada ber protestçı poliŝiya tarafınnan qulğa alındı.

Livan başqalası Beyrutta cıyılğan yözlärçä keşe dä Franŝiya citäkçelegeneñ İslamğa qarata totışın häm Möxämmäd päyğambärne mısqıllawçe karikaturalarnı protest itte.

Äfğanstannıñ şaqtıy şähärendä, İzrail blokadası astındağı Ğazzädä häm Liviyada da Makronnıñ İslamğa qarata totışı häm Möxämmäd päyğambärne maqsat itep aluçı karikaturalarnı yaqlawına rizasızlıq belderelde.