Bomba quyılğan motośikl şartladı

Süriyäneñ tön’yağında oppoziśiyäneñ kontrolendäge Afrin rayonında bomba töyälgän motośikl belän oyıştırılğan bomba höcümendä 2 grajdanlı ülde, 10sı yaralandı.

Afrin rayonı Törkiyä Qorallı köçläre alıp barğan “Zäytün botağı” xäräkäte belän 2018nçe yılda terrorçılardan çistartılğan ide. Ämma alar daimi räweştä anda ütep kerep tınıç xalıqqa zarar birä. Bu yulı rayon üzägenä bomba quyılğan motośikl kiterälär.  Şartlaw köçle bula.

İminlek çığanaqları terrorçılardan qotqarılğan cirleklärdä bombalı ğamällärne separatist terrorçı oyışma PKK başqaruın, ämma grajdanlılarğa zarar birüe öçen monı üz öslärenä almawların belderä.

YPG/PKKlı terrorçılar Törkiyä belän Rusiya arasında 2019nçı yılnıñ 22nçe oktyabrendä tözelgän kileşü nigezendä Tel Rıfat rayonınnan çigenergä tiyeş ide. Ämma alar haman şunnan torıp Bab, Azäz, Djirablus häm Afrin töbäklärenä höcümnär yasıy.