İñ yaxşı donorlar - babaylar

Koronavirustan saqlıy aluçı antitänçeklär iñ yuğarı däräcädä xastaxanädä däwalanğan ölkän yäş’täge ir-atlarda oçrıy. Bu AQŞta Djon Xopkins Blumberg cämäğat’çelek sälamätlege mäktäbe belgeçläre citäkçelegendä uzğan tikşerenüdä açıqlandı.

Täcribä qısalarında Kovid-19 yoqtırğan häm ternäklängän 126 keşeneñ antitänçek testları qarala. Anda älege çirdän xastaxanädä däwalanğan ölkän yäş’täge ir-atlarnıñ plazma donorlığı öçen iñ yaxşı kandidatlar buluı kürenä.  Bilgele bulğança, bu qannar koronavirus xastalarınıñ ğomeren qotqara ala.  

Tikşerenü, şulay uq, monnan aldağı täcribälärdäge şikelle, keşelärdäge antitänçek däräcäläre häm koronavirusnı täêsirsez xälgä kiterü mömkinlekläreneñ törle buluın kürsätä. Ämma xastaxanädä däwalanğannarnıñ antitänçekläre, urtaça alğanda, tağın da yuğarı däräcädä häm köçle.