Cirgä iske raketa kisäge yaqınlaşa
Anı inde kük ciseme dip uylap keçe planetalar häm asteroidlar isemlegenä kertep quyğannar
1507561
Cirgä yaqınlaşuçı kük cisemeneñ iske raketa kisäge buluı alğa sörelä.
Älege faraznı NASAnıñ aldınğı asteroid belgeçe Pol Çodas citkerde. Anıñ fikerençä, “2020 SO” dip ataluçı kük ciseme 1966nçı yılda NASAnıñ Serveyer-2 korabın Ayğa iltkän Śentavr raketasınıñ ber kisäge.
Serveyer-2, motorlarınıñ bersendä kilep çıqqan qabınu xilaflığı arqasında, Ayğa caylı ğına töşep utırası urınğa kilep bärelde. Śentavr raketası isä iyärçen yanınnan uzıp kitte häm, planlaştırılğança, Qoyaş orbitasına oçtı. Anı bütän kürmädelär.
Gavayidağı ber teleskop uzğan ayda bilgesez cisemneñ Cirgä yaqınlaşuın açıqladı. Ul şunda uq Xalıqara astronomiya berlege keçe planetalar üzägeneñ Qoyaş sistemasındağı asteroid häm qoyrıqlı yoldızlar isemlegenä östälde.
