Tuberkulyez vakśinası koronavirustan saqlarmı?

Tuberkulyez vakśinası BŚJnıñ yaña tör koronavirus Kovid-19ğa qarşı qullanıla aluın uylıylar. Monıñ öçen täcribä ütkärelä.

BBC kanalı xäbärenä qarağanda, 1921nçe yılda tabılğan BŚJnıñ tuberkulyezdan tış başqa yoğışlı awırulardan saqlıy aluı isbatlandı. Anı xalıqara Brays tikşerenüläre qısalarında Angliya, Avstraliya, Niderland, İspaniya häm Braziliyada 10 meñ volontyerda sınap qarıylar.  

Angliyädä Êkseter universitetı citäkçelegendä başlanğan êşçänlek barışında BŚJ vakśinası alaçaq 1 meñ keşeneñ Kovid-19 êläkterü däräcäse küzäteläçäk. Tikşerenüdä kübräk mediśina xezmätkärläre qatnaşır dip uylanıla. Çönki koronavirus yoqtıru mömkinlege alarda zurraq.

Bötendön’ya sälamätlek saqlaw oyışması ğomum mödire Tedros Adxanom Gebreyesus ta tuberkulyez vakśinasınıñ Kovid-19ğa qarşı ayırım vakśina tabılğanğa qadär küper wazıyfasın başqara alu potanśialına iyä buluın beldergän ide.