Süriyädä urman yanğınnarı

Süriyädä Beşar Esed rejimı kontrolendäge Latakiya, Tartus häm Gumus vilayät’lärendäge urmannarda çıqqan yanğınnarda 2 keşeneñ ğomere özelde.

İlneñ yar buyı töbägendä urnaşqan Latakiya häm Tartus vilayät’läre belän Gumus vilayäteneñ könbatış cirlegendä kiçä yanğınnar başlandı.

Köçle cilneñ täêsire belän cäyelgän yanğınnar kontrol’ astına alına almıy, töbäktän kütärelüçe tötennär Törkiyäneñ Hatay vilayätennän dä kürelde.

Eesed rejimınıñ SANA xäbär agentlığı Latakiyadağı yanğınnarda 2 keşeneñ ülüen belderde.

Cirle çığanaqlarğa kürä töbäk xalqınıñ zäytün häm alma baqçaları belän igen-basular yanğında zıyan kürde.

Säbäbe bilgesez bulğan yanğınnar arqasında qayber awıllar buşatıldı.

Rejimğa bäyle yanğın sünderü törkemnäre yanğınnar belän köräşä.