Parijğa tıçqan xastalığı yanıy

Franŝiya başqalası Parijdağı Sena yılğasında tıçqan xastalığı bularaq ta belenüçe leptospiroznı kiterep çığaruçı bakteriyalar tabılğan.

“Le Figaro” gazetı yazğança Parij Şähär xaqimiyäte Awrupa standartlarına kürä yözärgä yaraqlı bulmağan Sena yılğasın 2024 yılda oyıştırılaçaq Cäyge Olimpiada uyınnarına qadär älege bakteriyalärdän çistartırğa teli. Bu bakteriyalär tıçqannarnıñ sidege belän yoğuçı leptospiroz xastalığına säbäpçe.

Belgeçlär yawım-töşemnär belän kanalizaŝiyalärneñ taşıp, Sena yılğasına ağuın, monıñ isä tıçqan sidegen yılğa suına alıp kilüen häm älege xastalıqnıñ keşelärdä cäyelüen caylaştıruın belderä.

Gazet xäbärenä kürä Parij citäkçelege monıñ belän bäyle 1,4 milliard yevrolık êşçänlek başqara.

Bötendön’ya sälamätlek saqlaw oyışması mäğlümatlarına kürä här yıl 1 millionnan artıq keşe awır leptospiroz xastalığın yoqtıra, bolarnıñ kim digändä 60 meñe ülem belän näticälänä.