"Kovid-19dan ülüçelär 1 millionnan kübräk"

Bötendön’ya sälamätlek saqlaw oyışması ğomum mödire Tedros Adxanom Gebreyesus koronavirus kizüe säbäple ülüçelärneñ sanınıñ 1 millionnan tağın da kübräk buluın äytte. Ul AQŞnıñ N’yu-York şähärendä BMOnıñ 75nçe assambleyası qısalarında uzğan Kovid-19 belän bäyle çarada videoêlemtä yulı belän çığış yasadı.  

“Koronavirusqa qarşı berdäm köräşebezdä bu könnärdä küñelsez noqtağa kildek. Ber million keşeneñ bu yaña virustan ğomere özelüe terkälde. Çın san, hiçşiksez, kübräk. Monnan tış, küpme keşe dön’yanıñ törle poçmaqlarında xastaxanälärdä ülem belän tartışa,”-dip söyläde Gebreyesus.

Ul fizik xatlar, cämğıyät’lär häm iq’tisadlarnıñ qurqu häm bilgesezlek tırnağında buluın assızıqladı. “Fän bezgä yaña testlar, däwalaw ısulları häm, ömetlänäbez ki, vakśina räweşendä çişeleş täq’dim itä. Ämma yärdämläşü bulmağanda, fän häm çişeleşlärneñ faydası bulmayaçaq,”-di ğomum mödir.  

Gebreyesus BSO koordinaśiyäsendä alıp barıluçı Kovid-19 vakśinalarına global’ ireşü programması xaqında da mäğ’lümat birde. Xäzergä qadär aña dön’ya xalqınıñ 70%ın üz êçenä aluçı 167 däwlät quşılğan.

Programma koronavirus vakśinasın barlıq illärgä tigez häm ğadel räweştä taratunı maqsat itep quya. Aña älegä qadär Qıtay, Rusiyä häm AQŞ kermäde.