Könbatışta Kovid-19: soñğı sannar

Dön’yada koronavirus kizüendä ğomere özelüçelär sanı 957 meñ 447 buldı. Yoqtıru oçraqları 30 million 755 meñnӓn, sawığuçılar isä 22 million 396 meñnän artıq.

Amerika Quşma Ştatlarında virus säbäple ğomere özelüçelär sanı 203 meñ 241 buldı. Yoqtıruçılar sanı isä 6 million 929 meñgä citte.

Braziliyada Kovid-19 säbäple ülem sanı - 135 meñ 857, yoqtıruçılar – 4 million 497 meñ 434.

Meksikada xäzergä qadär 72 meñ 803 keşe Kovid-19dan ülde. İldä 688 meñ 954 keşe älege virusnı yoqtırdı.

Angliyada koronavirustan yaqtı dön’yadan kitüçelär sanı 41 meñ 732gä citte. Viruslılar sanı 385 meñ 936ğa çıqtı. Prem’yer-ministr Boris Djonson: “Kizüneñ ikençe dulqını kilüen küräbez,” – diyep, kizü belän köräştä ikençe karantinnı telämäwlären äytte.

İtaliyada Kovid-19dan 35 meñ 668 keşeneñ ğomere özelde. İldä awırular sanı 294 meñ 932gä citte.

Franŝiyada xäzergä qadär 31 meñ 249 keşe Kovid-19dan ülde. İldä 428 meñ 696 keşe älege virusnı yoqtırdı. Awıruçılar arasında ilneñ İqtisad ministrı da bar.

Koronavirus İspaniyada 30495, Portugaliyada 1894, Gvatemalada 3036, Niderlandta 6273, Awstraliyada 844, Peruda 31283, Kolumbiyada 23850, Argentinada 12656, Çilida 12199 häm Êkvadorda 11044 can aldı.