Könbatışta Kovid-19 kizüe

Dön’yada koronavirus kizüendä ğomere özelüçelär sanı 945 meñ 864 buldı. Yoqtıru oçraqları 30 million 77 meñ 600dӓn, sawığuçılar isä 21 million 829 meñ 50dän artıq.

Amerika Quşma Ştatlarında virus säbäple ğomere özelüçelär sanı 201 meñ 403 buldı. Yoqtıruçılar sanı isä 6 million 828 meñ 301gä citte. İlbaşı Donal’d Tramp vakŝinanıñ oktäbr’ urtasında ilgä taratu öçen äzer bulaçağın citkerde.

Viŝe-prezident Mayk Pens AQŞnıñ Azıq-tölek häm daru idaräse tarafınnan raslanğaç üze häm ğailäseneñ vakŝina yasatuda ikelänmäyäçägen belderde.

Braziliya Sälamätlek saqlaw ministrlığı mäğlümatlarına kürä Kovid-19 säbäple ülem sanı - 134 meñ 174, yoqtıruçılar – 4 million 421.

Meksikada xäzergä qadär 71 meñ 978 keşe Kovid-19dan ülde. İldä 680 meñ 931 keşe älege virusnı yoqtırdı.

Angliyada koronavirustan yaqtı dön’yadan kitüçelär sanı 41 meñ 684kä citte. Viruslılar sanı 378 meñ 219ğa çıqtı. Prem’yer-ministr Boris Djonson kizü belän köräştä ikençe karantinnıñ il öçen matdi yaqtan fäläkät bulaçağın äytte.

Franŝiyada Kovid-19dan 31 meñ 45 keşeneñ ğomere özelde. İldä awırular sanı 404 meñ 888gä citte. İlneñ mäğarif ministrı Jan-Mişel’ Blanke uquçılarda Kovid-19 kürelgännän soñ yabılğan mäktäp sanınıñ 81gä çığuın belderde.

Awstraliyada xäzergä qadär 832 keşe Kovid-19dan ülde. İldä 26 meñ 813 keşe älege virusnı yoqtırdı.

Koronavirus İtaliyada 35645, Peruda 31050, İspaniyada 30243, Kolumbiyada 23478, Argentinada 12116, Çilida 12058, Êkvadorda 10996 can aldı.