Könbatışta Kovid-19 kizüe

Dön’yada koronavirus kizüendä ğomere özelüçelär sanı 914 meñ 469dan arttı. Yoqtıru oçraqları 28 million 391 meñ 700dӓn, sawığuçılar isä 20 million 398 meñ 890nan artıq.

Amerika Quşma Ştatlarında virus säbäple ğomere özelüçelär sanı 196 meñ 345 buldı. Yoqtıruçılar sanı isä 6 million 589 meñ 20gä citte.

Braziliyada Kovid-19 säbäple ülem sanı 129 meñ 575, yoqtıruçılar – 4 million 239 meñ 763..

Meksikada xäzergä qadär 69 meñ 649 keşe Kovid-19dan ülde. İldä 652 meñ 364 keşe älege virusnı yoqtırdı.

Awstraliyaneñ Viktoriya vilayätendä tağın 9 keşeneñ koronavirustan ülüennän soñ yaqtı dön’yadan kitüçelär sanı 797gä citte.

Angliyada Kovid-19dan 41 meñ 608 keşeneñ ğomere özelde. Viruslılar sanı 358 meñ 138gä çıqtı.

Kovid-19 kizüe İtaliyada 35 meñ 587, Franŝiyada 30 meñ 813, İspaniyada 29 meñ 699 can aldı.