Portlarnı buşatalar

Aljir idaräse ilneñ könçığışındağı Skikda portında saqlawğa quyılğan ximik matdälärne ışanıçlı urınğa küçerüen belderde. Beyruttağı şartlawdan soñ matbuğatta älege portta da xätär matdälär barlığı xaqında xäbärlär çıqqan ide.

Aljir êçke êşlär ministrlığı bu mäs’älägä açıqlıq kertte. Alar yasağan yazmaça belderüdä portta cirle şirkätlärneñ tovarları saqlanuı häm aralarında ximik matdälär buluı äytelä. Alarnı 2 atna êlek ışanıçlı urınğa iltep quyğannar.  

İsegezgä töşeräbez, Beyrut portında 4nçe avgustta ximik matdälär saqlanuçı depoda şartlaw buldı. Anda 191 keşeneñ ğomere özelde.

Şunnan soñ 9nçı avgustta Ğıyraq häm Misır idaräläre xätär matdälärne diñgez portları häm aêroportlardan alıp toraq punktlarınnan yıraq bulğan ışanıçlı urınnarğa küçerergä qarar qıldı.