Panamada su basu

Panamada atna azağında barlıqqa kilgän su basuda ber ğailädän 11 keşeneñ ğomere özelde, alardan 9ı – balalar.

Panamanıñ Milli saqlaw sisteması departamentı mödire Karlos Rumbo Veraguas vilayätendäge afättä ber ğailädän 9 bala belän 2 xatın-qıznıñ yaqtı dön’yadan kitüen açıqladı. Xatın-qızlardan berse awırlı ide.

Su basu barlıqqa kilgän mizgellärdä 17 keşelek ğailäneñ öyneñ qamış häm peçän belän qaplanğan tübäsenä menüe, läkin ağaç tübäneñ cimerelüe näticäsendä ğailäneñ su belän ağıp kitüe belderelde.

Panama däwlät başlığı Laurentino Kortizo açıqlaw yasap, su basunıñ härkemne qayğığa saluın äytte, älege ğailägä yärdäm itärgä süz birde.

Panamalı räsmi zatlar da afät töbägenä kitte.