20 millionğa yaqınlaştı

Dön’yada koronavirus arqasında ğomere özelüçelär sanı 729 meñ 653, yoqtıru oçraqları 19 million 811 meñ buldı. Sawığuçılarnıñ sanı isä 12 million 725 meñnän arttı.

Kizüdän iñ nıq zıyan kürgän däwlät AQŞta ğomere özelüçelär sanı 165 meñ 70kä citte. İldä virus yoqtıruçılar 5 million 149 meñ buldı.

İlbaşı Donal’d Tramp Kovid-19 qısalarında uquçı kreditları, êşsezlärgä yärdäm, xezmät xaqı salımnarı häm öy xucalarınıñ arendalawçılarnı quıp çığaruın tıyuçı 4 ayırım qarar imzaladı.

Latin Amerikasında kizüneñ märkäze sanaluçı Braziliyada virus belän bäyle ülüçelär sanı 100 meñ 543kä, yoqtıru oçraqları - 3 million 13 meñgä citte.  

Meksikada soñğı 24 säğat’tä Kovid-19 çığanaqlı ülem oçraqları 695kä artıp 52 meñ buldı. Yoqtıruçılar sanı da 6 meñ 495kä kübäyde häm 475 meñ 902 keşe täşkil itte.

Yaña Zelandiyädä kizü 22 keşeneñ ğomeren aldı. Soñğı yoqtıru oçrağı anda 1nçe mayda kürelgän ide. Şunnan birle, yäğ’ni yaqınça 100 kön Kovid-19 yoqtıruçı terkälmäde.