Nigeriya awıllarında qan qoyu

Nigeriyanıñ Kaduna töbägendä bulğan qorallı höcümnärdä ğomere özelüçelär sanı 33kä citte. Bik küp yaralı bar. Bu xaqta Kön’yaq Kaduna xalıqları berlege räise Luka Binniyat belderde.

Kiçä berniçä awılda qorallı törkem höcüm oyıştırıp, ğayepsez keşelärneñ qanın qoydı. Nigeriya poliśiyäse idaräse başlığı Möxämmät Adamu cirlekkä, höcümnärneñ artuı säbäple, tağın da kübräk iminlek köçe kiterelüen  äytte. Töbäktä ber täwlek buyına komendant säğate kertelde.