"Awrupa Berlege Livannın yanında toraçaq"
AB awır könnär kiçerüçe livanlılarğa yärdäm qulı suzdı
Awrupa Berlege komissiyäse räise Ursula fon der Leyen Livanğa aşığıç yärdäm ixtiyacları öçen berençe êtapta 33 million yevro külämendä yärdäm cibäreläçägen belderde. Ul Beyrut portında 4nçe avgustta bulğan şartlawdan soñ Livan xökümäte räise Xassan Diyab belän telefonnan söyläşte.
Fon der Leyen Awrupa Berlegeneñ Beyrutqa xäzerge waqıtta 100 yanğın sünderüçe, êzläw-qotqaru êşçänlekläre öçen êtlär häm kiräk-yaraq cibärüen häm Kopernik yasalma iyärçen kartası sistemasın da êşkä cigülären äytte. Moña östäp aşığıç ixtiyaclar öçen 33 million yevro yärdäm yasalaçaq. Komissiyä räise başqalanı qabat torğızu öçen öleş kertergä äzer buluların da citkerde.
Fon der Leyen telefonnan söyläşü waqıtında Livannın säyäsi totrıqlılığınıñ zur ähämiyätkä iyä buluın assızıqladı. “Bu awır çorlarda barlıq säyäsi köçlär berdäm bulırğa tiyeş. Awrupa Berlege Livannıñ yanında toraçaq,”-dide ul.
