Könbatışta Kovid-19

Dön’yada koronavirus kizüendä ğomere özelüçelär sanı 693 meñgä yaqınlaştı. Yoqtıru oçraqları 18 million 239 meñnän, sawığuçılar isä 11 million 450 meñnän artıq.

Kizüneñ üzäge sanaluçı AQŞta virus säbäple soñğı 24 säğat’tä 1152 keşe ülde häm tulayım ğomere özelüçelär sanı 158 meñ 365 buldı. Yoqtıruçılar isä 58 meñ 739ğa kübäyep 4 million 813 meñ 647 keşe täşkil itte.

Braziliyädä xäzergä qadär kizüdä ülüçelärneñ sanı 94 meñ 130, tulayım 2 million 733 meñ 677 keşegä koronavirus diagnozı quyıldı.

Meksikada Kovid-19 säbäple ülem sanı 47 meñ 746, yoqtıruçılar - 439 meñ 46.

Çilidä koronavirus 9 meñ 608 keşeneñ ğomeren aldı. İldä virus yoqtıruı raslanuçılar sanı soñğı köndä 2 meñ 81gä arttı häm 359 meñ 731gä citte.

Argentinada soñğı täwlektä 52 keşeneñ ülüennän soñ virus säbäple ğomere özelüçelär sanı 3 meñ 648 buldı. Yoqtıruçılar - 5 meñ 376ğa arttı häm 201 meñ 919 keşe täşkil itte.

Kizüneñ Awrupadağı märkäze Angliyädä xäzergä qadär 46 meñ 201 keşe Kovid-19dan ülde. İldä 304 meñ 695 keşe älege virusnı yoqtırdı.

Kosovo xökümäte başlığı Avdulla Xoti koronavirus êläkterüen belderde. Ul üzendä cinelçä yötkerü tışında başqa bilgeläre bulmawın äytte. “Bügennän başlap 2 atnağa üzemne izoyaśiyälim. Wazıyfamnı öydän başqaram,”-dide Xoti. Kosovoda kizü säbäple 249 keşe ülde, 8 meñ 799ına Kovid-19 diagnozı quyıldı.