Ajdaha äylänep qayttı
NASA astronavtları Grew Dragon kapsulası belän suğa töşep utırdı
NASAnıñ Xalıqara ğaläm stanśiyäsendä xezmät itkän astronavtları Dag Xerli häm Robert Benken Cirgä äylänep qayttı. Alarnı utırtqan häm SpaceX yasap çığarğan şattlnıñ ber öleşe bulğan kapsula atmosferağa kergännän soñ paraşyut belän Florida ştatınıñ Meksika qultığındağı Pensekola şähäre tiräsendä suğa töşep utırdı. Bu AQŞnıñ 45 yıldan soñ ğalämnän diñgezgä täwge iñüe. Şulay uq, şäxsi şirkät yasağan raketa häm şattl belän tormışqa aşırılğan berençe keşele ğaläm yulçılığı.
Astronavtlar Xerli häm Benkennı utırtqan Grew Dragon (Ajdaha êkipajı) korabı 30nçı mayda oçırtıldı häm 31nçe mayda Xalıqara ğaläm stanśiyäsenä barıp citte.
NASA, üz şattlların citeşterüne tuqtatqannan soñ, astronavtların Xalıqara ğaläm stanśiyäsenä Rusiyäneñ “Soyuz” korabları belän cibärä ide.
