Yanğınnarda 3 milliard cänlek ülde

Awstraliyada aylar buyı däwam itkän urman yanğınnarında yaqınça 3 milliard cänlek ülde yäisä yortsız qaldı.

İldä törle universitetlardan belgeçlärneñ urtaq êşçänlege beläñ äzerlängän xisapqa kürä yuqqa çıqqan cänleklär arasında 143 million imezüçe, 2 million 460 meñ söyrälüçe, 180 million qoş häm 51 million baqa bar.

Tikşerenü törkemendä bulğan Kris Dikman yanğınnan qotıluçılarnıñ da azıq-tölek häm sıyınır urın bulmaw, qırğıy cänleklärgä qarşı tora almaw kebek faktorlar arqasında yaxşı xäldä bulmawın assızıqladı.

Bötendön’ya tabiğat’ne saqlaw waqıfınıñ Awstraliyadäge citäkçese Dermot O’Gorman bolay dip belderde: “ Dön’yada bu qadär küp cänlekne ütergän yäisä yortsız qaldırğan başqa waqıyğa turında uylaw bik awır. Bu - zamança tarixtağı iñ naçar häm wäxşi fäläkätlärdän berse.”

Yaqınça 115 meñ çaqrım2 mäydannı kölgä äyländergän yanğınnarda 30dan artıq keşeneñ ğomere özelde, meñnärçä öy dä qullanılmas xälgä kilde.