Misır armiyäse fotoşop belän mawığa

Misır armiyäse Franśiyä belän urtaq xärbi öyränülär ütkärü turındağı belderüdä yalğan foto qullandı.

Urta diñgezdä uzuçı künegülär turında armiyä süzçese general Tamir är-Rıfai sośial mediada yazdı. Anda äytelgänçä, xärbi öyränülärdä Misırnıñ häm Franśiyäneñ ike fregatı qatnaşa.

Räsmi belderüdäge fotoda isä Misır bayraqlı korabnıñ Franśiyä fregatı Aconit F713 töşerelgän räsemgä soñınnan fotoşop yärdämendä östälüe kürenä. Anı Amerika flotınıñ räsmi internet säxifäsennän alğannar. Räsem 2013nçe yılnıñ 19nçı sentyabrenä qarıy häm ul Urta diñgezdä AQŞ belän Franśiyäneñ urtaq xärbi öyränüläre waqıtında töşerelgän. Fotonıñ originalında, añlaşılğança, Misır fregatı yuq häm bula da almas ide.