İzrail ğalämgä şımçısın oçırttı

İzrail xärbi küzläw yasaw niyäte belän ğalämgä yuğarı çişeleşle sürät alu üzençälegenä iyä şımçı iyärçen cibärüen xäbär itte.

Saqlanu ministrlığınnan yasalğan belderüdä älege apparatnıñ İzrail ğaläm industriyäse belän bergä yasap çığarıluı äytelä. Ofek-16 dip ataluçı yasalma iyärçen ildäge ber bazadan cirle waqıt belän säğat’ 4tä oçırtılğannan soñ uñışlı räweştä orbitağa urnaşqan. Şımçı apparatnıñ yuğarı sıydırışlı êlektro-optik küzläw iyärçene buluı da xäbär itelä.

İzrail saqlanu ministrı Benni Gantś Ofek-16 iyärçeneneñ ähämiyätle uñış buluın belderä. Cirle matbuğat apparatnıñ İrandağı atom-töş êşçänlegen küzätü maqsatınnan qullanılaçağı turında yazdı.