Hind êşmäkäre koronavirustan saqlanu öçen altın bitlek tağa

Hindstannıñ Pune şähärendä yäşäwçe êşmäkär Şankar Kurxade koronavirustan saqlanu öçen altınnan bitlek yasattı. Anıñ awırlığı 60 gramm. Bitlekne yasaw öçen zärqançılarğa 8 kön kiräk bulğan. Kurxade älege ğacäyep êşlänmä öçen 4 meñ dollar totuın äytä.

“Bu sulış alu öçen keçkenä tişekläre bulğan bik yuqa gına bitlek. Anıñ mine koronavirustan saqlıy aluına bik ışanmıym, şuña kürä başqa saqlanu çaraları da küräm,”-di 49 yäş’lek êşmäkär. Ul älege fikerneñ matbuğatta kömeş bitlek taqqan keşe turında xäbär uqığannan soñ tuuın belderde.

Şankar Kurxade, altın bitlek tağıp uramğa çıqqaç, keşelärneñ şaqqatuın häm bergä fotoğa töşärgä teläwlären söyli.

Hindstan xökümäte, ildä 651 meñ yoqtıru häm 19 meñgä yaqın ülem oçrağı terkälgännän soñ, bitlek tağunı mäcbüri xälgä kiterde.