Hindstanda êt iten tıyu qararı çıqtı

Hindstannıñ tön’yaq-könçığışındağı Nagaland töbägendä êt ite satu tıyıldı.

“The Indian Express” gazetındağı xäbärgä qarağanda, töbäk särqatibe Temjen Toy cirle idaräneñ aşaw öçen êt belän satu itüne tuqtatu, êt bazarları, peşkän häm çi êt ite satunı tuyı qararı çığaruın belderde.

Hindstannıñ tön’yaq-könçığışındağı töbäklärendä tradiśiyä bularaq êt ite aşıylar.

Nagalandtağı qayber ictimağıy oyışmalar qararğa rizasızlıq belderde. Xaywan xoquqların yaqlawçı Xalıqara śivilizaśiyäle cämğıyät’ oyışması isä xökümätneñ bu adımına söyende. Annan belderülärençä, Nagalandta här yıl 30 meñ êt yuqqa çığa. Oyışma Mizoram, Tripura häm Arunaxal Pradeş şikelle töbäklärdä yıl sayın meñlägän êtneñ öylärdän urlanıp yäisä uramda êläkterelep bazarda satıluın terkägän.