Tähranda şartlaw

İrannıñ başqalası Tährannıñ könçığışında älegä säbäbe bilgesez şartlaw buldı.

Yarim räsmi xäbär agentlığı Tesnimnıñ mäğ’lümatlarına qarağanda, şartlaw xärbi bülektä tügel, saqlanu ministrlığına bäyle ber üzäk tiräsendäge gaz deposında bula.  

Waqıyğada ülüçe yuq. Tähran ğadättän tış xällär üzägennän belderülärençä, şartlawdan son alarğa aşığıç yärdäm sorap şaltıratuçı bulmağan.

İran däwlät telekanalında mondıy mäğ’lümat çıqtı: “Qayber çığanaqlar Tährannıñ könçığışında köçle yaqtıru kürülären citkerä. Älege ut şartlaw tawışı kilgännän soñ kürenep alğan. Räsmi dairälär älegä belderü yasamadı”.

Tähran gubarnatorı urınbasarı Xamid Rıza Guderzi şartlawnı tikşerü başlanuın belderde.

Süz uñayınnan, şul uq säğat’lärdä İrannıñ Farsı töbägendäge Şiraz şähärendä töp êlektr bağanalarında säbäbe bilgesez şartlaw bula. Näticädä yanğın çığa häm şähärneñ yartısında ut betä.