Liviyalelär Sisiğa qarşı

Liviyalelär Misırda tüntäreleş belän xaqimiyätkä kilgän däwlät başlığı Abdulfettah äs-Sisineñ Liviyağa xärbi qatışu belän yanawın protest itte.

Liviya başqalası Tripoli üzägendäge Şähitlär mäydanında cıyılğan rizasızlıq belderüçelär Liviya häm Törkiyä bayraqları belän öste sızılğan Sisi räsemen taşıdı.

Tripoli xalqı ileneñ könçığışındağı tüntäreleşçe general Xalifä Xafter häm Sisiğa qarşı şiğar’lär äytte.

Misır ilbaşı Abdulfettah äs-Sisi kiçä Liviya çige yanındağı Hawa köçläre berleklärenä säfärendä Misır armiyaseneñ kiräkle oçraqta Liviyada xärbi wazıyfa başqara alaçağın äytkän ide.