Antarktikada tabılğan iñ zur yomırqa närsäneke?
Million yıllar buyı bozlıq êçendä saqlanğan yomırqa xaqında farazlar bar
1439989
Antarktikada tabılğan 68 million yıllıq yomırqa mosazornıqı bulırğa mömkin.
“LiveScience”nıñ xäbärenä qarağanda, yomırqanı 9 yıl êlek Çili tikşerenüçeläre 200 metr tiränlektäge yılğa çoqırında tapqan. Belgeçlär tabıldıqqa säyer forması arqasında ber fil’mnan ilhamlanıp “Bernärsä” isemen birgän. Ul dön’yada bilgele bulğan iñ zur ikençe yomşaq qabıqlı yomırqa. Antarktikada isä älegä qadär mondıyı oçramağan bulğan.
Tikşerenü törkemendäge Sant’yago milli tabiğat’ tarixı muzeyı paleontologı Dêvid Rubilar-Rodjers yomırqanıñ mosazornıqı bula aluın, ämma älegä monıñ tögäl açıqlanıp betmäwen citkerde.
Mosazorlar – dinozavrlar däwerendä Antarktikada yäşägän häm yuqqa çıqqan zur diñgez söyräleçüläre.
