Qatardan Liviya açıqlawı

Qatar Liviyaneñ Terxun şähärendä kümäk qaberlärneñ buluın ğayepläp, cawaplılarnıñ tabıluı öçen bäysez häm tarafsız tikşerüneñ açıluın soradı.

Qatarnıñ räsmi xäbär agentlığı QNA beldergänçä Qatar däwläte Liviyadäge qayber taraflarnıñ wäxşi häm ayawsız suğışçılar qullanıp, liviyalelärneñ qanına häm yäşäw xoquqına xörmät kürsätmäwen assızıqladı.

Xäbärdä Qatarnıñ Terxundä kümäk qaberlärneñ tabıluın ğayepläwe häm cawaplılarnıñ bilgelänüe öçen bäysez häm tarafsız tikşerü sorawçı däwlätlärgä quşıluı belderelde.

Liviya armiyase 5 iyun’ könne Terxunnı ilneñ könçığışındağı legal’ bulmağan qorallı köçlär liderı Xalifä Xafter suğışçılarınnan çistarttı, şähärdäge ber xastaxanädä 106 mäyet tapqan ide.

BMO açıqlağan sannarğa kürä Xafter suğışçıları qullanğan Terxun häm tirä-yağında 8 kümäk zirat tabıldı.

Liviya xökümäte toraq punktlarına şartlatqıç, minalarnıñ quyıluı, xökemgä tartmıyça üterülär, mäyetlärne intekterü kebek cinayät’lärneñ tikşerelüe öçen xalıqara cämäğat’çelekne ilgä çaqırğan ide.