Donal'd Trampnıñ tawış urlayaçağın sanıylar

Amerika Quşma Ştatlarında demokratlardan ilbaşına kandidat Djo Bayden däwlät başlığı Donal’d Trampnıñ 3nçe noyabr’dä uzaçaq saylawlarda xärämläşäçägen farazladı.

“İñ zur borçuım - bu ilbaşı bu saylawda tawış urlarğa mataşaçaq,”-dide ul ber telekanaldağı tapşıruda. Bayden anda 5 aydan soñ bulaçaq saylawlar xaqında fikerlären söyläde.

“Bu keşe berençel saylawlarda poçta belän tawış birüneñ xäyläle buluın söyläde, ä üze Oval ofista utırğan östäleneñ artında poçta belän tawış qullandı,”-dide kandidat.

Bayden söylägänçä, Donal’d Tramp saylawlarda ciñelsä dä monı qabul itmäskä mömkin häm bu oçraqta anı Aq Yorttan xärbilär çıqaraçaq.