Xafternıñ cinayät'läre: yözlärçä cäsäd tabıldı

Liviyädä qanunsız qorallı köçlär Xalifä Xafter suğışçılarınnan çistartılğan cirlektä konteyner êçendä bik küp sanda cäsäd tabıldı. Bu xaqta Liviyä armiyäseneñ “Açu vulkanı” operaśyäseneñ räsmi sośial’ akkauntında belderelde. Anda yazılğança, cäsädlär başqala Tripolidan 27 çaqrım yıraqlıqta bulğan Kasr Bin Gaşir şähärendä tabıla. Konteyner  êçendäge älege üle gäwdälärneñ yandırılğan buluı da äytelä.

Yazmada bu tabıldıqlarnıñ Xafterğa bäyle terrorçı suğışçılarnıñ daimi räweştä êşlägän suğış cinayät’läre räximsezlegen kürsätüe assızıqlana.

Monnan tış, Xafter militannarınnan çistartılğan başqala Tripolinıñ kön’yağındağı töbäklärdä alar quyıp qaldırğan minalarğa êlägep 27 keşe ülde, 40 keşe yaralandı. Bu xaqta Liviyä yustiśiyä ministrlığınıñ keşe xoquqların bozularnı küzätü komissiyäse belderde. Alarnıñ törkemnäre Xafter yaqlı “Kaniyat” suğışçılarınnan qotqarılğan Tärhünä şähäre häm anıñ tiräsendä kümäk qaberleklär häm taşlandıq xäldäge qoyulardan bik küp sanda cäsäd çığarğan. Tärhünä xastaxanäsendä 100dän artıq mäyet buluı belderelä.

Liviyä armiyäse 25nçe martta başlağan “Solıx dawılı” operaśiyäse qısalarında 3nçe iyün’dä başqala Tripolinıñ barlıq administrativ çiklärendä, 4nçe iyün’dä – Kasr Bin Gaşirda, 5nçe iyün’dä Tärhünä şähärendä kontrol’ne täêmin itte.